中人壽烏龍盤

HSI跌135點，成交641億。

股份升跌比例  492：556

今天感覺上毫無方向，市場都在觀望，等待歐美兩邊的進展，無論股市匯市都無甚波幅。

在這悶局下，下午發生了一件能娛樂大家的事。

下午三點半左右，中人壽(2628)於18.82元出現了20億股的買盤，假如全部成交要三百多億元，全是從新鴻基金融發出的。

當大家在你一言我一語推測甚麼原因之際，這20億的買盤逐漸減少。10分鐘後便完全清掉，但我們看成交額並沒有增加三百多億元，即這20億股沒有全數成交，而是很多被取消了。

後來新聞報導了原來新鴻基那邊落錯盤，唔知佢係多左一個0定兩個0。但個交易員唔識一次過取消所有盤，只好逐個逐個取消，所以出現當時的情況，最後睇番分鐘圖，係果段時間成交左7000萬至8000萬股。如果個客係買2億股照計無理由取消咁多盤，成交得7、8千萬。睇來好可能只係想買2000萬股，取消唔切咁多，結果買多左5、6千萬股。如果以收市股18.6元計俾佢出得晒個多出來的幾千萬股，個經紀都要賠成千萬。陰公。