歌舞昇平？

HSI升1012點，股票成交734億，總成交971億。

股份升跌比例 1058：184

港股沽空比率 11% 恆指13%

在五大央行及人民銀行出手向市場泵水後，今天港股價量齊升，恆指升5%，國指更升8%。

今天新聞看見散戶們眉飛色舞，如沐指風，簡直就是吐了一口壓抑已久的烏氣。可謂央行一出手，信心番晒來。

我也被氣氛感染，閃過了不少憧憬：中國放鬆銀根週期展開，人民銀行繼續降低存款準備金，之後甚至開始減息。歐洲那邊雖然搞唔掂，但可能中國呢邊照升呢。

以上相信是右腦在運作，稍停一下，換回左腦運作，得出的結論是：昨天的行動，不論是人民銀行降低那0.5%，或是五大央行降低借貸利率，都只是杯水車薪。歐洲國家還唔到錢就係還唔到，你平D借比佢有咩用？至於中國是否繼續放水還看通脹如何，即使放水，係咪真係可以歐洲有事而獨善其身咁爽呢？

話說回頭，之前講過19000點左右就沽，現在要睇定D先。皆因之前完全無預料過有這些消息出。